Castro de Pendia, Asturias

O castro de Pendia, no concello asturiano de Boal, no val do río Navia, foi escavado no ano 1941 por J. Uría Ríu e A. García y Bellido, quen un ano máis tarde xa publicou os resultados. O castro non foi intervido novamente ata 1999, cando se consolidaron as ruínas e se acondicionaron para as visitas. Entre 2003-2013 realizáronse as derradeiras escavacións.
O castro está situado nun esporón longo e estreito, sobre o que se construíu un poboado moi singular, pois, a pesar do seu exiguo tamaño e as escasas construcións (14 descubertas), presenta 2 saunas e constrúe un recinto fortificado anexo á croa para aloxar unha única grande construción.


Vistas do castro na paisaxe:

As escavacións revelaron unhas cronoloxías dende polo menos o s. IV a. C. ata os comezos do s. II d.C., constantándose moitas modificacións e adaptacións, especialmente visibles na muralla, que chega a desmantelarse nalgún tramo xa en época romana para ampliar o espazo habitado.

Vista dende a parte superior da croa

Sauna 1

Forno da sauna 1, con pía diante

Sauna 2

Falsa bóveda do forno 2

Sauna 2, hipoxea no lado do forno

Outras construcións:

Vista cara á parte alta da croa (derrubes dun torreón ao fondo)

Bibliografía:

“Castro de Pendia”, en Castros de Asturias (con toda a bibliografía e enlaces para a descarga)

Rodríguez del Cueto, F. 2017. Arquitectura, urbanismo y espacios domésticos en “El Castro”, Pendia (Asturias, España). Siglos IV a. C.–II d. C. BAR (British Archaeological Reports)